Skrifpúltið

Ég get fúslega viðurkennt að hausinn á mér er búinn að vera á þessum slóðum alveg síðan við komum heim.  Nú er ég að hálfnaður inn í frekar erfiða æfingaviku og ég verð að segja að ég er mjög ánægður hvernig staðan er á mér. Mér líður eins og formið hafi „bömbast“ eitthvað upp þarna úti Tenerife. Ég byrjaði vikuna á VO2 max æfingu (110-125% af FTP) og tók svo þunga réttstöðu og uppstig sama dag (mánudag). Í fyrradag tók ég svo 3x10 mínútna threshold æfingu (95-105% FTP) og hún gekk súper vel þrátt fyrir erfiðan dag á undan. Í gær tók ég svo 2 tíma endurance æfingu rólega og í dag er hvíldardagur sem ég ætla að njóta í botn. Ég skaut FTP testinu sem ég ætlaði að taka í síðustu viku á frest þar sem ég var ekki alveg nógu ferskur en mér líður eins og ég megi ekki bíða með það mikið lengur. Mér finnst ég gæti verið að keyra á meiri ákefð og gæti þurft að leiðrétta sónin hjá mér svo ég sé að fá sem mest út úr æfingunum. Ein vísbending um þetta er að púlsinn hjá mér er farinn að vera læg...

Medium Bic Mac meal. Ég vaknaði klukkan 05:20 og tók rúmlega klukkutíma VO2 max æfingu. Ég brenndi 601 kaloríu. Bic Mac máltíð er 1080 kaloríur. Klukkan 16:30 fór ég svo og lyfti í klukkutíma og gæti hafa brennt 200 í viðbót. Afhverju er ég að tala um þetta? Ég veit það ekki? Annars fórum við Harpa einu sinn i á Mac Donalds á Tenerife og það var geðveikt. Ég fékk mér Bic Mac eins og alltaf, ég get ekki annað. Mörgum finnst þetta algert rusl (sem það er vissulega í einhverjum skilningi), en mér finnst þetta alltaf sjúklega gott. Og ég skammast mín ekkert fyrir það. Kjötið er ómerkilegt en sósan, súru gúrkurnar og brauðið gera þetta guðdómlega djúsi. Frönskurnar á Mac Do eru líka alltaf fínar. Við skoluðum þessu svo niður með sitthvorum Mac Flurry með Oreo og karmellusósu, sennilega 200 cal í viðbót á kjaft. Eins gott að maður var að hreyfa sig.  Í ferðinni passaði ég mig vel að vera alltaf fullur af orku á hjólinu og svo át ég nánast eins og mér sýndist þess á milli. Ég passaði mig ...

Sólvallagata 61, húsið sem hugsanlega um ræðir. Ég veit ekki afhverju mér datt þessi saga í hug, en hún kom upp í kollinn á mér áðan þegar ég var að laga til og ganga frá þvotti. Árið er sennilega 1983 og ég er úti að leika mér með Hákoni eða Bjarna B í Vesturbæ Reykjavíkur. Þar lentum við í slagtogi með einverjum strák sem ég hef nú alveg gleymt hver var. Ekki man ég hvað við vorum að gera en strákurinn fer að tala um að mamma hans eigi fljúgandi töfrateppi sem við eflaust getum fengið lánað. Eins og lög gera ráð fyrir vorum við afskaplega spenntir fyrir þessu, en það er samt sem mig minni að við höfum nú eitthvað haft varann á. En strákurinn var sannfærandi og sagði að mamma sín væri heima. Við röltum því niður á Sólvallagötu og kíktum við. Mig minnir að þetta hafi verið hús númer 61, en það gæti líka hafa verið númer 59 eða 63. Þar röltum við inn á mjög settlegt heimili og drengurinn tekur okkur inn í stofu. Undir antík-stofuborði er perskneskt fallegt teppi sem hann bendir okkur á....

Ég á 250 myndir úr þessari ferð og margar betri en þessa. Langaði samt að henda henni með þar sem þetta fangar einhvern veginn svo vel það sem er eitthvað það skemmtilegasta í svona ferð. Stoppa á litlu kaffihúsi í steikjandi hita og kaupa sér hressingu. Gjarnan á stað þar sem lítið er um ferðamenn og maður þarf að nota þau fáu orð sem maður kann í spænsku. Ég var búinn að lofa ferðauppgjöri og ég er í rauninni kominn langt með það. Ég ætla mér að klára það um helgina og henda því hér inn. En það er mjööög langt. Vonandi hefur einhver gaman að því. Annars er maður bara að reyna að koma sér í gírinn hérna í kuldanum. Ég var mjög sprækur á fimmtudaginn en eftir vinnuna í gær var ég mjög þreyttur og hélt að ég væri að verða veikur. Er að spá í að hvíla bara í dag og taka eitthvað létt á morgun. Ætla að fresta FTP-testinu fram í næstu hvíldarviku. 

Kominn upp klifrið á El Teide. Það er sem mig minni að ég hafi ætlað að blogga eitthvað á meðan ég var hérna en það fórst greinilega alveg fyrir. Ég hef ekki fylgst með vinnunni, ekki fylgst með fréttum og ekki nennt að blogga. Ef frá eru taldir samfélagsmiðlar, þá hef ég alveg kúplað mig út, sem var að sjálfsögðu stefnan. Heilt yfir hefur þetta verið alveg gjörsamlega frábært ferðalag og við hefðum ekki getað verið heppnari með veður. Hitinn fór mest í yfir 30°C en það var á mjög afmörkuðum kafla. Annars var hitastigið að damla í 20 - 26°C sem er alveg perfect til að hjóla í. Ég lenti í smá sólbruna fyrsta daginn og er rétt að ná að vinna mig út úr því núna, meira um það síðar. Rétt komin heim úr síðasta hjólatúrnum á Tene, í bili Ég þori ekki að lofa að ég eigi eftir að hafa tíma til að gera ferðina upp í smáatriðum en það er stefnan. Mig langar að henda inn helstu dagleiðum og skrifa niður minnispunkta til að uppfæra listann fyrir næstu ferð. Þetta er fyrsta svona götuhjólaferð sem ...

Við Harpa mætt á völlinn. Nú sitjum við á Akureyrarvelli og bíðum eftir að vera kölluð um borð. Reyndar ábyggilega klukkutími í það allavega. Fór að rifja upp fyrsta utanlandsflugið mitt frá þessum flugvelli (23. júlí, 2007) og gróf upp mjög skemmtilega bloggfærslu. Ástandið hérna er orðið aðeins avanseraðra en samt skemmtilega sveitó. Lesið færsluna hér .  Það er búið að vera þónokkuð bras að græja hjólin og allt dótið í kringum það. Nú sitjum við á borði með Önnu Lilju, Telmu og Sóleyju úr HFA sem eru allar að fara út að hjóla líka. Sjálfsagt eigum við eftir hjóla eitthvað með þeim og ræðum það hér yfir morgunbollanum. Síðustu vikur á Strava. Ég var hálf tussulegur síðustu daga og hef því verið rólegur í æfingum. Það er líka ekki gáfulegt að ganga of nálægt sér áður en maður sest upp í flugvél og andar að sér veirum og drullu úr öðru fólki. En það verður forvitnilegt að sjá hvernig þessi vika endar. Jæja ætla að hætta þessu blaðri og blanda geði við liðið.

Salat með túnfiski og eggjum annan daginn í röð. Helgin hefur verið drullu fín hjá okkur. Ég þurfti að vera með hreindýra-útdrátt í beinu streymi á laugardaginn hérna á Akureyri og börnin fengu því að fara í sveitina til ömmu og afa. Þar sá Halldóra systir um að halda uppi fjörinu með skautaferðum, föndri og allskyns uppátækjum. Hún þreytist ekki á að vera góð við frænda sinn og frænku sem náttúrulega dýrka hana fyrir vikið. Utan við vinnuna var ég svo bara eitthvað að dunda mér við að ganga frá hérna heima, þvo þvott og skipuleggja mig fyrir ferðina. Þegar ég verð búinn að baða börnin á eftir hugsa ég að ég klári svo bara að henda öllu í tösku sem ég á ekki eftir að nota meira áður en ég fer. Recovery æfing sem ég tók í morgun. Ég fór aðeins fram úr sjálfum mér á lyftingaæfingu á föstudaginn og er búinn að vera frekar strengjaður í lærunum. Ég ákvað því að taka bara mjög rólega æfingu á hjólinu í dag og það var bara mjög fín tilbreyting. Ég hef ekki verið duglegur að taka endurheimtar...