Færslur

Test og göngur

Mynd
Heimavinnan. Ég er með smá tilraun í gangi sem snýr að því að ganga meira. Takmarkið er að ganga aldrei minna en í 25 mínútur á dag- og markmiðið að fá meiri hreyfingu á lágri ákefð sem á að auka aðeins fitubrennsluna. Ég hef áður lýst því að eftir að ég fékk bílinn datt mikið til niður þessi daglega aukahreyfing sem er náttúrulega bráðholl. Ég ætla að byrja á því að gera þetta í einn mánuð og sjá hver niðurstaðan verður. Ég er að byrja á viku 3 og þetta er að hafa mjög góð áhrif á almenna líðan og svei mér þá ef þetta er ekki að skila sér líka á hjólinu. Ég veit ekki hvort það er tilviljun, en ég er líka laus við hjartsláttatruflanirnar. Það passar s.s. við að þetta á að minnka streitu. Dagbjört Lóa ýtir mjög á pabba sinn að fara út að ganga eftir kvöldmat. Þetta eru bestu göngutúrarnir. Nú eru nokkrar vikur búnar af grunnþjálfum og lyftingum og ég held að við séum á réttri leið. Ég tók 20 mínútna FTP test um helgina og var betri en ég þorði að vona. Ég var 5,6% undir mínu besta inni-...
Skrifa ummæli
Lesa meira

Þetta mjatlast.....

Mynd
Síðustu fjórar vikur á Strava að frátölum 2 klst lyftingum/viku. Maður heldur áfram að leggja inn í bankann og reyna að vera þolinmóður. Þetta er langtímaverkefni. Eins og ég hef margoft komið inn á, þá hef ég ekki alveg verið upp á mitt besta síðasta árið en held að það séu jákvæð teikn á lofti. Ég er að koma út úr viku sem endar í tæpum 14 klst. með göngutúrum og lyftingum og mér líður vel. Mér finnst þolið gott og ég á orðið aðeins auðveldara að halda afli. Stefnan hjá mér er að komast í svipað form og vorið 2024 en með meiri endingu (durability). Þá var ég í kringum 65 kg. og með FTP í kringum 270/280. En í vor verð ég með 3 auka ár í löppunum og það ætti vonandi að skila manni að hanga lengur á lífi í erfiðum keppnum.  Í morgun var ég 69 kg og er búinn að stökkva upp um 1-2 kíló á frekar stuttum tíma. Sennilega er þetta kreatín og lyftingar að mestu. Ég er að spá í að fara að labba í vinnuna og sjá hvort það skili sér ekki í smá þyngdartapi. Tökum stöðuna 25. nóv. Góðar stundi...
Skrifa ummæli
Lesa meira

Styrktaræfingarnar

Mynd
Fallegur morgun á Akureyri.   Ég hef oft tekið eftir því að ef það líður of langt á milli þess sem ég geng, t.d. í vinnuna, þá fara mjóbakið og lappirnar að kvarta eftir kannski bara 2 km. Sem er auðvitað stórmerkilegt þegar maður eyðir hátt í tíu tímum á viku í að þjálfa á sér lappirnar. Í morgun gekk ég í vinnuna í fyrsta skipti í töluverðan tíma og beið eftir kunnuglegum þreytumerkjum. En það gerðist bara ekki neitt. Hvorki í mjóbakinu né löppunum. Munurinn er sá að undanfarið hef ég verið duglegur að lyfta. Hjólreiðar eru auðvitað frábærar, en þegar maður hugsar út í það er þetta ansi einhæf iðja. Sömu vöðvarnir, sama hreyfingin, klukkutíma eftir klukkutíma. Maður getur verið í hörkuformi á hjóli en samt orðið hálfónýtur við það eitt að nota líkamann í eitthvað annað. Þetta er allavega ágætis áminning um að hjólaform og almennur líkamlegur styrkur er ekki alveg það sama. Ég er því búinn að ákveða að halda áfram að lyfta þegar keppnistímabilið byrjar, þótt ég dragi væntanlega að...
Skrifa ummæli
Lesa meira

Random

Mynd
Þrjár sæmilegar vikur og ein veikindavika. Nú er ég kominn í „grunntímabil/þoltímabil“, aka base season- sem þýðist reyndar ekkert sérstaklega vel. Þá snýst þetta fyrst og fremst um að byggja upp góðan þolgrunn (loftháðan) sem maður byggir svo ofan á með erfiðari og sérhæfðari æfingum þegar líður á veturinn. Það er líka mikilvægt að styrkja sig samhliða þessu og ég fer í ræktina í allavega tvo tíma á viku (sem er ekki með á myndinni). Úr einu í annað. Á svölunum hjá mér liggja nú fjórir fullir ruslapokar af dósum, sem áður fyrr hefðu sennilega verið ársbirgðir af drykkjarumbúðum. Ég tók nefnilega upp á þeim leiðinlega ávana að lepja alltaf Kristal með matnum, eiginlega án þess að finnast það einu sinni sérstaklega gott með mat. Þessa vikuna hef ég sleppt því meðvitað og viti menn: ef ég held því áfram mun ég spara yfir 50 þúsund kall á ári. Þeim peningum er ég alveg til í að eyða í eitthvað annað. Á sama tíma er ég að reyna að venja mig á að vera með brúsa á mér á ferðalögum svo ég þur...
Skrifa ummæli
Lesa meira

Úr dagbókum Franz Kafka

 2. ágúst, 1914 "Þýskaland hefur lýst yfir stríði á hendur Rússlandi. Fór að synda um kvöldið."
Skrifa ummæli
Lesa meira

Sárabót

Mynd
Ég, Röggi (1. sæti) og Hjalti Jóns (3. sæti). Hjólaárið hefur verið frekar þungt hjá mér og ekki allt of mikið til að gleðjast yfir. Á æfingatímabilinu var eins og ég væri í handbremsu og 10-20% undir getu síðustu tveggja ára. Það var svo ekkert til að auka gleði og bjartsýni að ég fékk á kjaftinn í The Gralloch og var langt undir væntingum og getu. Sólin reis aðeins í Greflinum og þar bætti ég tímann minn nokkuð og svo átti ég ágætis Rift (140 km) og var ekki langt frá palli. HRÍ götuhjólamótin voru s.s. engin skelfing en heldur ekkert til að tala um. Það var því ágætt að enda þetta á Orminum (68 km) og þar náði ég á pall þriðja árið í röð, núna annað sæti (búinn að prufa hin tvö). Ég hef ekki neitt að skrifa metnaðarfulla keppnispistla eins og ég gerði og nenni því heldur ekki núna. Það er hvort sem er ekki frá miklu að segja; við Röggi stungum af og vorum komnir með tæplega 11 mínútna bil þegar við komum í mark. Og hann tók mig í endaspretti eins og 2024. Það venst illa að tapa í en...
Skrifa ummæli
Lesa meira

Þokast nær

Mynd
Úr sólinni í Svíþjóð. Ég laskaði rifin á mér í Riftinu, brot eða brák- veit ekki hvort. Þetta hefur sett strik í reikninginn og ég hef hvorki getað keppt né heldur æft eins og ég vildi. Ég hef bara hjólað rólegar æfingar og læt þetta ekki taka mig á taugum. Svona er lífið, það má alltaf reikna með að veikindi eða meiðsli setji strik í reikninginn. Um helgina ætla ég samt að gúffa í mig verkjatöflum og keppa í Orminum- síðasta móti sumarsins. Það er frekar stutt og snarpt. Ég verð aumur eftir það en lifi af, þ.e. ef ég drepst ekki. Annars hef ég verið að reyna að koma mér í gang í vinnu eftir sumarfrí. Vika tvö að klárast. Þetta byrjaði þungt og hægt en ég er aðeins að ná mér á strik. En andlega er ég hálf þungur og í aðra röndina langar mig að komast aðeins úr þessu umhverfi og fá smá betri hvíld. Þetta hefur verið erfitt ár og ég er stundum eitthvað hálf eirðarlaus og ómögulegur, svo ég sé bara heiðarlegur með það. En hvernig lýsir þetta sér? Ég vakna 7 og drekk kaffi og borða. Mæti í...
Skrifa ummæli
Lesa meira