Skrifpúltið

Hvernig gat ég verið svona heimskur að spá því að allt færi til helvítis? Þegar ég var nýbúinn að fylla skápana af niðursuðuvörum, brytja niður húsgögnin í eldivið og farinn að spá í hvaða nágranni sé með girnilegasta síðuspikið, þá koma fréttirnar. Við vorum að eignast banka!!! Jibbí...... Til hamingju með „nýja“ bankann elskurnar!! Ekkert smá góð kaup að selja hann á 1 milljarð og kaupa hann svo á 84 strax aftur. Ég ætla út í búð á eftir og kaupa mér rjóma, tannþráð og feitt súpuket. Kreppu er frestað, takið tappa úr flöskum og hellið ykkur drukkin sem aldrei fyrr og dansið við þetta lag sem fjósapíkur fríðar hafa bent mér á.. Húrra, ÉG

Lagðist svo lágt að opna reikning á andlitinu (facebook) og hefur það tekið frá mér voðalega mikla bloggorku. Hef reyndar ekki frá neinu að segja enda gerist ekkert í þessum bæ utan við að einhverjar andanefjur busla fram og aftur og stúta sér svo í einhverju drasli og drukkna. Mér finnst fávitalegt að hvalir geti drukknað. Það er svona eins og við gætum fengið of mikið loft og þyrftum alltaf að vera að stinga hausnum ofan í vaskafat. En það er nú önnur saga. Annars er haustið skollið svo tilfinnanlega á að það er full ástæða til svartsýni. Engin ástæða til að líta bjartsýnn fram á veginn þegar er að koma snjór og kuldi, efnahagsástandið í rúst og maður þarf að fara að keyra á nöglum. Það fer allt þráðbeint til helvítis. Var að bæta við einhverju drasli í albúm hér til hægri og þið getið litið á það ef þið eruð í stuði. Engin svartsýni þar, bara fallegt fólk að gera skemmtilega hluti í fallegu umhverfi. Sannkallað augnakonfekt (smá nekt líka) sem ætti að gleðja ykkur í skammdeginu vís...

Þegar kreppan skellur á með þvílíkum þunga, að helstu miðlurum líður eins og ódýrri hóru sem var kýld í magann af feitum kalli með sár í andlitinu, þá breytist allt. T.d er ágætis byrjun að skipta út allri tónlist og fara að hlusta á tónlist frá kreppuárunum. Verst að maður getur ekki stillt þetta lag sem svona background theme þannig það hljómi allan daginn, sama hvað maður gerir. T.d þegar maður fer út í búð, með sixspencerinn á hausnum og með fullar hjólbörur af klinki til að kaupa pott af mjólk. Farið að brytja niður húsgögnin í eldivið því það er allt að fara til helvítis.....

Tekið af visi.is Sauðdrukkinn karlmaður á fertugsaldri skemmdi sex bíla við Snorrabraut um ellelfuleytið í gærkvöldi. Hann braut af þeim spegla og loftnet og rispaði þá. Vitni létu lögreglul vita, sem handtók manninn. Hann gistir fangageymslur uns hann verður yfirheyrður í dag. Tjón á sumum bílunum er umtalsvert. Þarna tel ég víst að Skarphéðinn hafi aftur verið á ferð, verður að fara að koma böndum á þann djöful.

Ekkert hefur komið frekar í ljós hvort þessi stjörnuspá mín var sönn og rétt. Lítið gerst í þeim málum og maður bara gáir til veðurs, fær sér kex og dæsir. Þorvaldur var veðurtepptur í forgörðum helvítis og mætti ekki í gæs um síðustu helgi. Ég setti skróp í kladdann og hann þarf að vinna yfirvinnu þegar hann kemur, sem verður fljótlega. Þetta kom nú svo sem ekki að sök þar sem þessi samkynhneigði fiðurfénaður er víst allur úti í móa að éta einhver bláber (gæsirnar en ekki Þorvaldur). Þegar ég mætti í vinnuna í morgun var húsvörðurinn hér á bæ að ryksuga ber af runnunum við anddyrið, tjáði mér að hann væri að fara að brugga. Þessi drengur er meistari! Hann hafði útbúið plastdunk á ryksugu og ryksugaði illiberjarunnana í gríð og erg, var kominn með 3 eða 4 kg. af berjum á no time og lítið sem ekkert rusl (sem fór í ryksuguna). Ætlaði heim seinnipartinn að ryksuga rifsberjarunnana sína. Svona á að fara að þessu enda alger helvítis geðveiki að plokka þennan ófögnuð með puttunum. Jæja slak...

Stjörnuspá mín fyrir daginn í dag er á þessa leið: „Þú vaknar andfúll, órakaður og í sokkum sem þú fékst á Saga Buisness Class. Leið þín liggur til vinnu og þú fetar stíg sem liggur ofar þeim mörkum sem almenningur hefur skilgreint sem eitthvað norm. Þú munt stela skrifborðshillu á sjöundu hæð, drekka kaffi og sjá álitlega mey sem vinnur í húsinu. Þú sérð ekki hvort hún ber hring á fingri, ef ekki þá er hún lesbísk. Véfréttin færir þér fréttir af húsaþyrpingu á mörkum hins óbyggilega heims. Umskipti gætu verið í nánd, þér mun sennilega vaxa einglyrni og með því munt þú sjá framhjá himinháum reikningum, öðlast nýjan sófa og jafnvel gúmmíplöntu. Þig hlakkar til að fá Gabríel erkiengil í gæs, hann mun þó vera vængstýfður á Reykjavíkurflugvelli eitthvað fram eftir degi. Kvöldflug gæti glatast.“ Ef þið vitið ekki hvað ég er að fara með þessu þá skulið þið kveikja á The lakes of Canada með Sufjan Stevens, halla ykkur aftur í stólnum og slaka á. Þetta skýrist allt á endanum.

Góðan dag. Þá er maður búinn að hlaða inn myndum frá Ameríkuferðinni sem við frændur fórum í. Reyndar tók ég lítið af myndum í NY en því meira af myndum á golfvellinum og golfmótinu sem við kíktum á í Norður Carolínu. Ég læt það kyrrt liggja að fara út í einhverja hard core ferðasögu en áhugasamir geta hringt í mig og fengið nánari upplýsingar. Ferðin var í boði Jens frænda og var útskriftar og 30. afmælisgjöf til mín. Takk fyrir það frændi, þetta var alger snilld! Annars kom fram í fréttum að íslenska ríkisstjórnin hafi ákveðið að styrkja Handknattleikssamband Íslands um 50.000.000 kr. Það er ekki að spyrja að því hvað ríkisstjórnin er alltaf fljót að bregðast við og styrkja góð málefni. Þetta minnir mann á þegar þeir, eftir mikla fundi gáfu 3.000.000 kr. þegar flóðbylgjan skall á löndin umhverfis Indlanshaf. Kveðja, Bjarni