Skrifpúltið

Af manni er það að frétta að maður situr og reynir að þröngva sér til að setja upp einhverja stafræna upplifun fyrir prófdómarann og þá sem kunna að mæta á þessa vörn mína á mánudaginn. Þarf að beita mig hörðu og reyna að lesa í gegnum þetta verkefni mitt svo ég viti eitthvað um hvað málið snýst. Ég hélt þetta ferli færi ekki á sálina á mér en raunin er að verða önnur. Þegar Hildur vinkona mín var að verja í gær, og ég sá allt umstangið og lætin í kringum þetta þá stressaðist ég allur upp. Annars hef ég verið að velta því fyrir mér hvaða eiturlyf sé mest viðeigandi á svona meistaravörn. Mér skilst að kókaín sé gott fyrir sjálfsálitið og því góður kostur. Sýra gæti gert manni auðveldara fyrir með að sjá fyrir sér allar þessar fitusýrur og leiða prófdómarann og gesti í dýpri skilning á lífeðlisfræðilegum ferlum með einhverskonar spunadansi eða trans. Þannig gæti ég t.d fattað á miðri vörn að ég hafi verið að skilja það sem ég skrifaði um þar sem ég sé farinn að sjá alla fituna í glærunum...

Ég fékk einhver þann einlægasta og fallegasta Nígeríu- póst sem ég hef fengið. Hann hljómar svona: Hello, Is my pleasure to meet you, I will like to discuss with you about my intention to invest in your country. I am a personal assistant to Mr President on political matters here in Ghana, I hope to have a warm and healthy relationship with you. N/B REPLY ME AT timothy.madu@gmail.com Thanks. Timothy Madu Það er gott að vita að ríkisstjórn Ghana hefur áttað sig á að það þýðir lítið að tala við Geir með vörtu og þá félaga í ríkisstjórn Íslands. Þeir ákváðu því að snúa sér beint til manna sem vita eitthvað um fjárfestingar hér á Íslandi. Það vekur líka athygli mína að ríkisstjórn Ghana notar gmail, alveg eins og ég.

Langaði bara aðeins að gera ýtarlegri grein fyrir málum mínum og létta aðeins betur af mér. Nú er svo komið, eins og ég gat hér um að neðan, að ég hef "skilmerkilega" gengið frá mínu verkefni og komið því í hús. Dagurinn í gær leið hjá í einhverri þoku, blendnar tilfinningar og bömmer yfir að ég hefði átt að gera hitt og þetta öðruvísi en ég gerði. Svona er þetta bara, maður verður bara að reyna að fara að njóta þess að vera búinn með þetta. Skiladagur gekk þannig fyrir sig að ég skilaði af mér, fór að lyfta, fékk mér pulsu, fór og tók 9 holur í golfi, keypti mér snakk og súkkulaði og sofnaði að lokum jórtrandi í sófanum. Það vantaði bara að Scarlet Johannson hefði bankað grátandi uppá og sagst vera búin að átta sig á því að hún elskaði mig, ég væri týnda pússlið í hennar lífi. Er hægt að biðja um betri dag? Núna er maður bara að ganga frá í pappírum og undirbúa vörn. Ég hef aldrei verið talinn neitt sérstaklega góður varnarmaður en þetta hlýtur að reddast. Svo er allt útlit ...

Ætli það eigi ekki að heita sem svo að ég sé búinn að skila þessari rigerð til prófdómara. Ég er farinn út í vorið.......... læt í mér heyra þegar ég hef snúið ástandinu á mér upp í eitthvað raunhæfara Kveðja, Bjarni

Fann þessa auglýsingu á holar.is Hólar 902 - framtíðarskipulag Dagana 16. - 18. maí stendur Guðbrandsstofnun fyrir samræðu um framtíðarskipulag Hólastaðar undir heitinu Hólar 902. Dagskráin hefst á föstudagskvöldinu kl. 21 með erindi um kirkjurnar á Hólum. Allan laugardaginn verður umræða þar sem ólíkir aðilar koma með stutta innleiðingu inn í umræðuna og síðan verða málin rædd. Á sunnudagsmorgni verður síðan samantekt. Nánari dagskrá þegar nær dregur. Með Hólum 902 gefst tækifæri til að ræða framtíðina. Takið tímann frá. Jæja ætlar einhver að láta sig vanta?

á meðan ég man þá er ég í námsleyfi Ps. Ef einhver á nokkra aukadaga til sölu, lítið notaða með 24 klukkustundum þá megið þá gjarnan senda mér þá í pósti. Ég skal borga þá þegar ég hef greitt niður námsskuldirnar eftir 36 ár. kv,bj

Þessi hundur vann einhverja tískusýningu á Filippseyjum samkvæmt mbl.is. Þetta er að mínu viti svalasti hudur í heimi og átti þennan titil skilið. Ég þarf ekkert að sjá hina hundana sem tóku þátt, málið er dautt. Honum tókst allavega að gleðja mig eftir ömurlega byrjun á degi sem getur bara orðið skárri. Kveðja, Bjarni

Ég og sessunautur minn hérna á skrifstofunni höfum verið að velta því fyrir okkur hvort það sanni tilvist geimvera að summa samanlagðs viðskiptahalla allra landa í heiminum sé ekki núll? Eða sannar þetta kannski frekar tilvist guðs, jesú eða jafnvel jólasveinsinns? Hafið þetta bakvið eyrað og látið mig vita ef þið getið svarað þessu.