Viðskiptahalli

Ég og sessunautur minn hérna á skrifstofunni höfum verið að velta því fyrir okkur hvort það sanni tilvist geimvera að summa samanlagðs viðskiptahalla allra landa í heiminum sé ekki núll? Eða sannar þetta kannski frekar tilvist guðs, jesú eða jafnvel jólasveinsinns?

Hafið þetta bakvið eyrað og látið mig vita ef þið getið svarað þessu.

Ummæli

Nafnlaus sagði…
Skilgreining á vangaveltum þínum og sessunautar þíns kallast vísindaleg sannreynsluhyggju (empiricismi og logical analysis) og blómstraði á tímum Vínarhringsins upp úr 1920. Sannreynsluhyggjan byggir merkingu raunhæfingar á því hvernig hún er sannreynanleg og þannig telst hún merkingarbær. Þetta felur í sér að staðhæfing sem ekki er sannreynanleg er merkingarlaus og að tvær eða fleiri staðhæfingar hafa sömu merkingu ef þær eru sannreyndar á sama hátt, jafnvel þótt þær virðist gjörólíkar við fyrstu sýn. Ef allar forsendur eru sannar þá er niðurstaðan sönn. .

Ef öll lönd í heiminum eru með viðskiptahalla þá er viðskiptahallinn ekki enginn
Ef öll lönd í heiminum eru með x þá er x ekki ekkert
Þetta er rökfræðilega jafngilt og
Ef öll lönd í heiminum eru með ekki x þá er ekki x ekki ekkert
Ef öll lönd í heiminum eru með ekki geimverur þá er ekki geimvera ekki ekkert

Svarið við vangaveltunum veltur á því í fyrsta lagi hvað: ekki geimvera sem er ekki ekkert er? Og hins vegar á því (á mannamáli) hvað aðgreinir vísindi frá því sem ekki fellur undir vísindi= geimverur, guð og jólasveinninn…?
Til að hafna tilgátunni þá er a) hægt að hafna hugmyndinni um frumspeki (guð, geimverur, jólasveinn eru merkingarlaus hugtök) b) taka upp hugmynd Popper um afsannanleika tilgátu sem grunnskilyrði fyrir því að hún teljist vísindaleg þ.e. hún sé ekki aðeins sannreynanleg heldur fyrst og fremst afsannanleg ( það er ekki hægt að afsanna guð, geimverur, jólasvein) eða hafna þessum tveimur hugmyndum (viðskiptahalli og guð/geimverur/jólasveinn) á þeim forsendum að þær tilheyri ekki sama kenningarlega samhenginu a la Thomas Kuhn.

Kærar kveðjur
Þóra að skrifa hsp ritgerðina sína í græna herberginu á Hellum
“Some glad of solitude will lead a withdrawn existence on the icy slopes of logic”
5. maí 2008 kl. 01:11
Bjarni sagði…
Takk fyrir þetta. Alveg hreint magnað, bjóst ekki við svari;) Gangi þér vel í baráttunni

kv,bj
5. maí 2008 kl. 15:26
Nafnlaus sagði…
Ég held að Þóra sé nú bara í ruglinu... Ég get ekki betur séð að þið félagar hafið einmitt hitt naglann á höfuðið, þ.e. öll lönd eru meira og minna í bullandi mínus á meðan að guð, geimverur, páskakanínur, tannálfar, jólasveinar og færeyingar græða á tá og fingri....
kveðja Doddmundur Freti
8. maí 2008 kl. 07:07
Nafnlaus sagði…
Ahh ég gerði eina villu. Þetta er nefnilega rétt, að samkvæmt sannreynsluhyggjunni þá sannar það einmitt tilvist geimvera að viðskiptahallinn er núll.
Röksemdarfærslan ætti að vera svona:

Ef öll lönd í heiminum eru með viðskiptahalla þá er viðskiptahallinn ekki enginn
Ef öll lönd í heiminum eru með x þá er x ekki ekkert
Þetta er rökfræðilega jafngilt og
Ef öll lönd í heiminum eru með ekki x þá er ekki x ekki ekkert
Ef öll lönd í heiminum eru með geimverur þá er geimvera ekki ekkert.

geimvera sem er ekki ekkert er auðvitað geimvera eða hvað...
13. maí 2008 kl. 14:51
Skrifa ummæli

Vinsælar færslur af þessu bloggi

Kylfingur spjall

Á kylfing.is var haldið úti spjallborði um nokkra hríð þar sem menn gátu skipst á skoðunum um golf. Þetta var þægilegt spjallborð þar sem maður réð því hvort maður kom fram undir nafni eða ekki. Maður skrifaði bara athugasemd eða samdi nýjan þráð og lét svo kommentið flakka. Mér finnst það svolítið dæmigert fyrir Íslendinga að ekki var hægt að halda þessu gangandi og nú hefur því verið lokað. Þetta spjallborð byrjaði kannski ágætlega en á endanum flæddu persónulegar árásir á menn, skítast og viðbjóður út úr hverjum þræðinum á fætur öðrum. Þetta gekk svo langt að ákveðnir einstaklingar voru lagðir í einelti. Menn sem höfðu jafnvel ekki unnið sér neitt til saka annað en að vera ástríðufullir áhugamenn um golf en höfðu kannski svolítið aðra sýn á hlutina en flestir aðrir. Og þetta var spjallborð um golf! Það er kannski ekki furða að umræða um kreppu og stjórnmál endi á villigötum þegar við getum ekki einu sinni rætt um eitthhvað jafn saklaust og golf án þess að froðufella af reiði o...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Góðan daginn öll

Mynd
Vildi bara láta vita að ég er lífs en ekki liðinn og hef eytt meirihlutanum af þessari jólahátíð í góðu yfirlæti í Skagafirði. Þó ég hafi svo sem lítið annað gert en að hafa það gott, þá hef ég náð einum langrþáðum áfanga. Ég sá Sigfús Pétursson (Álftagerðisbróðir) syngja Ökuljóð á Þrettándagleði Karlakórsins Heimis. Nú get ég dáið sáttur, þvílíkur englasöngur. Síðan brugðum við Addi okkur í smá svartfuglstúr og var aflinn mjög hóflegur en fram úr hófi fjölbreyttur (fer ekki nánar út í það). Síðan má kannski líka nefna það að ég, Guðrún og strákarnir átum mjög svo óvenjulegan áramótamat. Í forrétt höfðum við Cocoa Puffs og í aðalrétt átum við brauð með smjöri og osti. Það var reyndar ástæða fyrir því að við ákváðum að gera svona vel við okkur og heitir hún rafmagnsleysi. Þetta var samt ljómandi rómantískt og mér hefur alltaf fundist Cocoa Puffs gott og ekki er nú brauðið mikið síðra. Annars er ég í þessum töluðu orðum atvinnulaus. Eða ég ætti kannski frekar að segja atvinnufár eða atvi...
Lesa meira