Skrifpúltið

Hef verið að þvælast og lítið skissað. Gerði samt þessa þegar ég stoppaði fyrir utan Skaffó um daginn og beið eftir Guðrúnu

Fór út að mála. Sat reyndar í bílnum. Lenti í þoku við Hveri og flúði upp að Leirhnjúk. Myndin við hverina var reyndar máluð heima eftir ljósmynd. Hjólhýsið fræga og salernin. Sérstakt að vera þarna núna. Partýið búið. Ætli enginn verði þunnur? Myndirnar eru báðar litlar.

Málaði mynd frá golfvellinum á Króknum. Fannst hún hálf tómleg og tók áhættu. Bætti við skýi, skuggum og manni. Stundum borgar sig að vera kaldur. Ekki í þetta skipti.

Hér koma 2 skissur úr sitthvorri áttinni. Innblásnar af Ástrala sem ég dýrka. Ég ætla að færa aðra þeirra upp í stærra málverk

Sá mynd á Instragram í gær sem Ingimar frændi tók í London. Kom drullu þreyttur heim úr vinnu og ákvað að fá mér smá andlega næringur og hvíld. Skipulagði ekkert hvað ég var að fara að gera, bara byrjaði. Að mála í tuttugu mínútur getur verið á við margra tíma svefn.

Nú eru meistaramótin í fullum gangi í golfklúbbum landsins. Nú saknar maður Króksins og GSS. Fór í golf í vikunni í annað skipti á 2 árum. Skráði mig í GM í kjölfarið og ætla að reyna að spila eitthvað í sumar. Gerði eina skissu af Hlíðarendavelli í kvöld sem æfingu fyrir smá verkefni sem ég er með í bígerð. Gróft og ekkert teiknað fyrst. Veit ekki alveg

Veit ekki afhverju ég var að mála þetta? Það var ekki hægt vera úti vegna rigningar og ég varð að gera eitthvað.

Einn leikmaður Belga heitir Eden Hazard. Þetta hljómar eins og vandamál sem gæti komið upp í hópkynlífi.

Alvaro Castagnet - Stavanger Norway sketch 2014. From Alvaro´s FB page Kannski málar maður í kvöld. Skissur eins og þessi hérna fyrir ofan kveikja alltaf í manni löngun til að mála. Einfaldleikinn í fyrirrúmi, lítill myndflötur, stór pensill og unnið hratt. Þeir sem hafa unnið með vatnsliti átta sig á því hvað þarf mikla tækni og kunnáttu til að ná fram þessum áhrifum. Birtan á haffletinum sem dæmi, glitrandi yfirborðið. Mistur í lofti, sjávarangan og smá reykjarslæða frá verksmiðju. Lykt frá bakaríi og úr kaffibrennslu fylgir svo í kaupætið, gefi maður sig alveg að efninu. Kveðja, Bjarni

Frá vinnu í dag. Loksins einfaldar skynditeikningar. Gaman að vinna með túsk. Gullin setningar frá Steven Wright til að ljúka þessum pistli: "I woke up one morning, and all of my stuff had been stolen and replaced by exact duplicates."  

Vann þessa mjög hratt án þess að vita hvert stefndi. Ágætis æfing- ætla að gera aðra með mistökin í huga