Skrifpúltið

Einhver hugarburður.

Dagrún ST-12. Fór nokkra góða túra á þessum bát á meðan ég þóttist vera vísindamaður. Gaf mér góðan tíma í þessa mynd og ég held að það hafi skilað sér þó hún sé ekki gallalaus

Til hamingju með að búa í bananalýðveldi undir stjórn vitfirringa. Mig langar að flýja land í augnablikinu. T.d þangað

Byrjaði sem skissa af grís á ódýrt A4 . Ég lét síðan bara hugmyndaflugið ráða rest. Er nokkuð ánægður með útkomuna.

Byrjaði á himni og það rann á mig æði. Ætlaði bara að teikna í dag en reif svo upp penslana. Skellti brúnni drullu undir meðan himininn var ennþá blautur. Vissi ekki hvað ég átti svo að gera en teiknaði upp Garð og fyllti í liti. Vantar fleiri áhugaverðar bæjarmyndir

Góðir dagar slæmir dagar. Ég læt þessa samt fara. Fyrsta atrenna að nýja heimilinu okkar

Reyndi að gera bara eitthvað. Gerði of mikið eitthvað. Himininn samt góður

Einhver tilraun

Sem betur fer lærir maður alltaf eitthvað nýtt. Næsta verður en betri. Þessi er skítug og himininn er ekki góður. Það sést í nærmynd

Stúdía af 2 mönnum. Annar frægur. Hinn ekki.

Þar sem rjúpnaveiðin kláraðist í dag fannst mér rökrétt að gera gæsamyndir. Þetta eru vinnuskissur fyrir stærra málverk gerðar á drasl pappír. Fyrirmyndir úr íslenskri veiðibók.

2 ágæti skissur og svo rjúpnamynd sem ekki er nægilega góð

Laugafell og Arnarvatn.

Þetta eru 2 myndir sem ég apaði upp eftir öðrum. Var óþolimóður, málaði hratt og því hlupu litirnir til og pollar mynduðust. Helvítis blómkál

Skissa af Bláfjalli og málverk sem ég klúðraði

Friends of yours

Það er ferskaskt að mála beint; eins og gluggamyndin frá í morgun með ôvenjugóðu birki (sú neðsta). Svona leit útsýnið út fyrir mér í morgun. Einnig er ég nokkuð ánægður með "vetrarstemninguna" á myndinni. Það er býsna snúið að ná fram trúverðugum skuggum í snjóinn og auðvelt að fara of mikið í blátt. Að sama skapi er hætt við því að myndin verði of ljós og döll- en það slapp til. Síðan er Helluvað enn eina ferðina. Nú á krotpappír. Merkilegt hvað myndin er eiginlega alveg eins og sú síðasta sem ég gerði eftir sömu mynd. Verst að nýji síminn minn dó og gæðin á myndunum úr gamla símanum drepa  niður litina og svo eru þær minni.

B&B&B spjalla að loknum veiðum á Steinhólum

Sjálfsmynd

Langar að dusta rykið af bæjarverkefninu en vantar gôðar myndir eða eitthvað dræv

Var búinn að mála 2 myndir upp úr bókum, sem mistókust. Skissaði svo upp það sem lág fyrir framan mig. Fer að vanta innblástur. Langar að mála úti; sem er sennilega svolítið seint í rassinn gripið þetta árið. Það er öðruvísi að mála/teikna beint upp. Það er meira power í því

Fór í rjúpu í dag

Hefði viljað gera aðra en nenni því ekki