Æfingar

Síðustu 4 vikur í æfingum hjá mér- hjól bláteitt, hitt lyftingar.

Það hefur ekki verið mikill ákafi í æfingum hjá mér upp á síðkastið og frekar mikill "off season" fílingur í mér. Ég er yfirleitt lítið spenntur fyrir því að setjast á hjólið en þá kemur alltaf upp í hugan setningin "Steady is key". Ef ég held svona áfram, viku eftir viku, mánuð eftir mánuð og ár eftir ár, þá held ég áfram að þróast í rétta átt. 

Það eina sem ég hef áhyggjur af er hvort ég hefði átt að taka lengra frí á einhverjum tímapunkti. Ég missti úr tæpa viku í covid (sem er náttúrulega ekki frí) og svo fór ég til Svíþjóðar í nokkra daga og gerði lítið. Til að bæta þetta upp er ég að spá í að hjóla ekkert síðustu vikuna í nóvember og taka smá aukahvíld áður en Ingvar fer að skóla mig til. Hér koma nokkrir punktar um stöðuna á mér núna:

Jákvæða:

• Búinn að vera mjög stöðugur þrátt fyrir að vera ekki á plani
• Framfarir í réttstöðu
• Efri partur og magi að komast í betra stand
• Á æfingar á hjólinu þar sem mér finnst ég nokkuð öflugur

Neikvæða:

• Hef aðeins verið þreyttur í skrokknum síðustu vikur
• Stirðleiki í löppum
• Hnébeygja hefur verið erfið og smá pirringur í hnjám
• Er búinn að bæta á vömbina á mér

Varðandi neikvæðu þættina þá er maður kannski bara að finna fyrir álagi af lyftingum. Og svo er maður reyndar ekkert að yngjast.