Tjing tjing!!

Þetta eru s.s. engar risavikur hjá mér en þetta tikkar inn.

Ég klárað síðustu viku með stæl og hún gekk í heildina mjög vel. Ég var 8 klst. á hjólinu og fór 2 tíma í ræktina. Eftir smá þreytu eftir lyftingar náði ég að snúa við blaðinu og var mjög öflugur á laugardaginn. Mér líður vel og finnst ég vera að bæta mig þrátt fyrir að kvefið sé þrálátt og maginn ekki alveg eins og hann á að vera.

Training Peaks heldur vel utan um ýmis gögn.

Mataræðið hjá mér hefur verið nokkuð stabílt upp á síðkastið og það er allavega á hreinu að ég er að éta nóg. Ég passa mig sérstaklega að næra mig vel í kringum æfingar og éta nóg á hjólinu. Kjúklingur, fiskur, grænmeti, hrísgrjón og kartöflur eru meginuppistaðan í fæðinu hjá mér og á hjólinu ét ég hafrastykki, Haribo hlaup og banana.

Vikan á Training Peaks.

Ingvar setti upp nýja viku fyrir mig á sunnudaginn og þó hún sé aðeins styttri en sú síðasta þar sem ég er með börnin þá er hún örlítið erfiðari. Ég tek 2 tíma endurance í dag og svo er helvíti erfið threshold æfing á morgun (3x12 mín) og over/under á föstudaginn. Ég stefni svo að því að bæta við aukaæfingu á laugardaginn þar sem ég verð í fríi í allavega 2 daga í næstu viku. 

Ingvar er farinn að forvitnast hvernig við náum að bæta inn tímum hjá mér í hverri viku og á því er engin einföld lausn. Sennilega best fyrir mig að taka klukkutíma hér og þar fyrir vinnu og lengja svo helgaræfingarnar.