Langur sunnudagur

Í nýja Pedla stakknum sem Harpa gaf mér.

Ég var búinn að stefna að því að taka langan sunnudag og stóð við það. Ég lagði af stað um kl. 11:30 í gærmorgun og hélt út á Dalvík. Þar stoppaði ég aðeins í sjoppunni og fékk mér ís og kaffi. Þaðan fór ég svo hringinn í Svarfaðadal og heim aftur með smá viðbót í bænum.

Túrinn gekk fínt og ég var í ágætu formi. Ég passaði mig að halda mig bara mest í Z2 og var aðalega að fylgjast með púlsinum. Túrinn var 113 km og ég hélt 28 km/klst. Í lokin var ég að spá í að taka 10 km í viðbót en ákvað svo að vera skynsamur og segja þetta gott.

Í túrnum brenndi ég 2800 kcal en ég heldað ég hafi farið langt með að núlla það með öllu sem ég át á ferðinni. Það er sennilega skýringin fyrir því að ég hefði alveg getað haldið áfram og fannst ég eiga nóg inni. Matseðillinn:
  • 2 fajitas með Nutella og banönum
  • 1 orkugel
  • 1 SiS orkustykki
  • 1 Ís í formi
  • 1 Toffee Crisp
Ég finn fyrir smá þreytu í löppunum í dag en það er varla til að tala um. En var gjörsamlega úrvinda úr þreytu eftir vinnudaginn og átta mig ekki á því hvort það eru timburmenn eftir túrinn eða eitthvað vinnutengt. Sennilega sitt lítið af hvoru. Síðasta árið hef ég tekið vel eftir því hvað vinnutengt álag tekur mikið úr manni. En þá er bara að fara snemma að sofa í kvöld.

Tilbúinn í ferðina með orkugel og orkustyggi (th), fajitas með banönum og Nutella og upprúllaðan vindjakka.

Í síðustu viku gaf Harpa mér þunnan Pedla jakka sem pakkast smátt og hægt er að hafa með sér í vasa. Þetta er frábær jakki ef það fer að rigna eða kólna. Það er líka geggjað að skella sér í hann áður en maður fer að fara niður langar brekkur. Manni verður svo djöfull heitt þegar maður klifrar upp (t.d. í Hlíðarfjall) en svo er maður að frjósa á leiðinni niður. Ég hafði jakkann með mér í gær og hann kom sér vel þegar ég nálgaðist Dalvík og fékk ískalda hafgoluna á móti mér.

Fyrsta mót sumarsin er um helgina og það er óhætt að segja að ég sé að verða spenntur. Það er góð tilfinning að vera spenntur en ekki bara stressaður. Á morgun ætla ég að skrifa aðeins hvernig ég ætla að undirbúa mig.

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira