Vikuuppgjör

Æfingar síðustu 4 vikna

Þá er ég byrjaður að rúlla inn í æfingaprógram þar sem ég tek tvær lyftingaæfingar í viku með hjólinu (mánudaga og föstudaga). Ég þarf nú eitthvað að fínstilla þetta á meðan ég er að venjast lyftingunum aftur því ég er svolítið grillaður í löppunum í dag og þarf að fara í ræktina strax á morgun. Ég er að spá í að hvíla á þriðjudaginn, hjóla 2 klst rólegt á miðvikudag og kannski bara hvíla aftur á fimmtudaginn, aðeins eftir því hvernig mér líður. En vikan endaði:

Hjól: 152 km
Lyftingar: 01:38 klst 

Ég var búinn að vera í smá rugli í mataræðinu eftir jólin en náði að laga það svolítið til. Hef verið að éta meira af kotasælu, ávöxtum, brokkolí, grófmeti og hummus. Ég finn strax að það er að skila árangri. Ég er að fara eitthvað aðeins upp í vikt en það er eðlilegt með lyftingunum og allt í lagi að bæta á sig 2-3 kg. í þessum uppbyggingarfasa. Svona mun ég halda áfram næstu 3 mánuði en þá fer ég að fasa út lyftingarnar og bæta í hjólaæfingarnar.

Ég er ennþá að vesenast með endanlegt æfingaprógram. Ég fékk mér þjálfaraaðgang að Trainingpeaks og ætlaði að setja upp plan fyrir sjálfan mig en það virðist aðeins snúnara en það leit út í fyrstu. Kannski reyni ég bara að fara í gegnum þessa 3 lyftingamánuði á skynseminni og svo ráða þjálfara. Eftir því meira sem ég spái í þetta, þeim mun ruglaðari verð ég.

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira