Skíðaferðin mikla.... að mestu án skíða

 

Menn og hundur nálgast Svartárkot

Þá erum við Þórður búnir að ganga í Suðurárbotna á skíðum. Við lögðum upp frá Svartárkoti á laugardaginn kl. 12.30. Við vorum svolítið lengi fyrstu kílómetrana, alltaf að stoppa og laga okkur eitthvað til og snjórinn var erfiður fyrir skíðin. Það hlóðst svo mikið undir þau að ég reif þau af mér eftir rúma 4 km. og skildi þau eftir. Ég var á mjóum brautarskíðum og þau voru farin að velta undir mér og ég alltaf að misstíga mig. Ég fer ekki aftur á þessum skíðum í svona ferð.

Við komum á Stóruflesju um kaffileitið og það var orðið nokkuð ljóst að við myndum ekki ná í Botna fyrir myrkum. Þórður skipti yfir í gönguskó, plástraði á sér tærnar og við fengum okkur smá næringu. Eftir þetta gekk ferðin býsna vel þrátt fyrir að við ættum stundum erfitt með að átta okkur á hvar slóðin lá. Guð sé lof fyrir GPS tækið- við hefðum aldrei.... aldrei fundið kofann án þess. En ég ætla að skrifa hér niður nokkra punkta til minnis og hvað maður lærði.

Punktar:

Ferðin var hrikalega skemmtileg og vinnur frekar á heldur en hitt. Mig langar að skella mér aftur fljótlega í eitthvað svipað. Ég er búinn að viðra það við Davíð að koma með mér og Þórði í Lamba á Glerárdal.

Ég ætla aldrei aftur á brautarskíðum í svona ferð og mig langar að prufa ferðaskíði með stífum hlýjum ferðaskóm. Ég er þó ekki ennþá sannfærður um að það henti mér og að ég myndi nota þau mikið. Kannski væru bara góðar þrúgur málið fyrir mig.

Í Botna átum við pasta carbonara sem við elduðum frá grunni. Þetta var óþarflega mikið tilstand í svona vetrarferð, uppvask og þrif. Næst ætla ég að leggja áherslu á að taka með eitthvað sem er fljótlegt að græja og krefst ekki mikils uppvasks.

Ég var búinn að spá í að sleppa því að taka með mér GPS tæki í hjólaferðina á hálendið í sumar. Eftir þessa ferð áttaði ég mig á því að ég verð að fá tækið lánað hjá Þórði og læra á það. Þetta var lifesaver og sími kemur ekki í staðinn.

Og hér eru atriði sem maður gleymdi eða þarf að laga:

  • Höfuðljós
  • Inniskó/þykka sokka fyrir kofann
  • Ég verð að kaupa almennilega vettlinga
  • Áttavita (finna minn)
  • Vasahníf 
  • Skóflu
  • Einfaldari matur
Man s.s. ekki meira í bili en bæti bara á listann ef það dúkkar upp





Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira