Meira af bókum

Óvinafagnaður Einars Kárasonar. 
Í fyrra reit ég einhver blogg um bóklestur. Ég fór eitthvað að leita að þessu bloggi til að rifja upp hvað ég væri búinn að lesa á árinu. En svo fann ég í morgun eitthvað skjal í Notes- og ég held að það sé ágætis yfirlit hvað ég er búinn að fara í gegnum. Þó það skipti í sjálfu sér engu máli hvað maður les margar bækur, þá virkar það samt svolítið hvetjandi að hafa yfirlit yfir það.

Það sem ég hef lesið á árinu er:
  1. Elsku Drauma mín - Sigríður Halldórsdóttir
  2. Stormfuglar - Einar Kárason
  3. Kambsmálið - Jón Hjartarson
  4. 60 kíló af sólskini - Hallgrímur Helgason
  5. Hið heilaga orð - Sigríður Hagalín
  6. Sorgarmarsinn - Gyrðir Elíasson
  7. Náðarstund - Hannah Kent
  8. Listamannalaun - Ólafur Gunnarsson
  9. Mátturinn í núinu - Eckhart Tolle
  10. Klopp - Allt í botn - Raphael Honigstein
  11. Korngult hár grá augu - Sjón
  12. Ungfrú Ísland - Auður Ava 
  13. Tíminn og vatnið - Andri Snær Magnason
  14. Tilfinningabyltingin - Auður Jónsdóttir
  15. Rauður maður/svartur maður - Kim Leine
  16. Kalak - Kim Leine
  17. Factfullness - Hans Rossling
  18. Langbylgja - Gyrðir Elíasson
  19. Skuggaskip - Gyrðir Elíasson
  20. Memories, dreams, reflections - Ævisaga Carl Jung
Þetta er svona það sem ég man eftir (gæti verið að gleyma einhverju) og af þessum bókum þá er ég reyndar að lesa þær 4 síðustu allar á víxl, þetta eru þannig bækur. En ég klára þær fljótlega. Þegar það er búið ætla ég að lesa Óvinafagnaðinn hans Einars Kára (sjá mynd). Sjöhundruð blaðsíður af algerri snilld. Ég átti allar þessar bækur en sendi pabba þær þegar hann fékk hjartaáfallið og þurfti að hafa hægt um sig. Þegar ég sá þær í fallegu "skinnbroti", þá stóðst ég ekki mátið og ætla að renna í gegnum þær aftur. Þetta er eins og Morgan Kane eða Sven Hassel- bara fyrir fullorðna.

En ætla ég að setja mér eitthvað markmið í bóklestri fyrir árið? Já ég ætla að gera það. Í grunninn ætla ég að:
  1. Lesa allavega 24 bækur á árinu - þar af:
  2. Sögu heimspekinnar eftir Skyrbekk
  3. Íslenska þjóðríkið eftir Gunnar Hálfdánarson
  4. Pyrrhos og Kínea - Simone de Beauvoir
Ég ætla sem sagt ekki bara að lesa eitthvað léttmeti heldur ætla ég líka að koma mér í gegnum þessar 3 bækur sem ég hef allar lagt frá mér áður en ég kláraði þær. Fínt að lesa þær í bland við eitthvað annað.

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira