Bloggleti

Prufur fyrir ný póstkort. Ætla að velja mynd 1 og 3 (tvær efstu).

Maður hefur verið eitthvað hálf lélegur að blogga upp á síðkastið og ég veit eiginlega ekki afhverju. Kannski að hluta til vegna niðursveiflu sem ég fór í og varði lengur en ég bjóst við. En ég held að ég sé nú alveg að rífa mig upp úr því.

Í vikunni tók ég smá skurk í póstkortamálum og ætla líka að fara með 2 myndir í innrömmun. Þetta er það næsta sem ég hef komist því að gera eitthvað skapandi lengi. En þetta kveikti líka aðeins í mér og ég varð spenntur yfir þessu.

Í gær (miðvikudag) lagði ég inn nýtt tilboð í Tjarnarlundinn og bíð bara og vona að ég fái jákvæðar fréttir fljótlega frá fasteignasölunni varðandi Dalsgerðið. Ef aðilinn sem er með tilboð í okkar eign selur sitt fljótlega ætti þetta allt að smella. Ef þetta gengur eins og í sögu næ ég að flytja áður en ég fer út 8. júlí.

Æfingar vikunnar..... hmmmm leyfið mér að hugsa....

Sunnudagur: Crossfit
Mánudagur: Hjólaði 27,5 km.
Þriðjudagur: Hvíld
Miðvikudagur: Crossfit
Fimmtudagur: Hjólaði 40 km.

Þannig að maður er allavega að hreyfa sig. Ég var reyndar þreyttur í fótunum í dag þegar ég var að hjóla enda tók ég hnébeygju í gær svo ég hugsa að ég hvíli á morgun eða fari bara í Crossfit ef það verður ekki krefjandi lappaæfing.

Já og svona rétt í lokin, þá get ég sagt frá því að lestrarátakið mitt er komið út um þúfur í augnablikinu. Ég datt á bólakaf í Soprano's seríu 1 og er annsi hræddur um að ég eigi ekki eftir að ná að hemja mig þegar hún er búin. Djöfull eru þetta helvíti góðir þættir og mikið andskoti eldast þeir vel.