Rjúpa og aðsvif

Séð heim að Hólum sem eru undir Hólabyrðunni.

Fórum í Skagafjörðinn í gær í fjölskylduboð. Boðið byrjaði ekki fyrr en kl. 14.00 svo mér gafst tími til að stökkva aðeins upp í fjall. Það voru skyttur í skógræktinni þannig að ég þurfti að fara upp fyrir girðingu. Þar var eitthvað af slóðum frá því um morguninn en eins og venjulega í þessum aðstæðum voru þær allar farnar niður í skóg. Sá einhverja hópa niðri í skógrækt á leiðinni til baka en fékk ekkert í færi.

Fórum á Listasafnið í dag.
Þegar ég kom í veisluna eftir rjúpuna byrjaði ég mjög skynsamlega og ætlaði grimmt að halda mig við hollustu allskonar sem ég hafði tekið með mér. Át sviðasultu og harðfisk og drakk bara kaffi. En á endanum var mér farið að finnast þetta svo ömurlegt að ég ákvað að leyfa mér að fá mér af kökuhlaðborðinu. Það var hrikalega gott og ég var ekkert að velta mér meira upp úr því.

Í morgun ákvað ég svo að fara í crossfit tíma, sem er ekki frásögum færandi nema að ég varð að hætta eiginlega áður en hann byrjaði. Ef ég reis snöggt upp sá ég bara svart og leið næstum útaf. Þetta hefur eflaust verið blóðsykurfall. Það tekur víst líkamann 48 tíma að komast aftur í ketosu (að brenna fitu í stað kolvetna) og því hafði þetta sukk mitt sennilega eitthvað ruglað í kerfinu hjá mér og ég át engan morgunmat frekar en venjulega. Ég er svolítið hugsi eftir þetta en hef s.s. alveg haldið mig við keto- fæðið eftir þetta en veit ekki alveg hvað ég geri. Ég er nefnilega ánægður með árangurinn af þessu.

Búinn að vera eitthvað "light headed" eftir þetta í dag en við skelltum okkur samt í bæinn. Fórum í Listasafnið, ég hafði ekki skoðað það eftir breytingar. Þetta er í einu orði sagt alveg stórkostlegt. Framkvæmdir heppnuðust mjög vel, hönnun og öll vinn alveg frábær. Akureyri best alla daga .... húrra húrra húrra HÚRRA!!!

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira