Skrifpúltið

Mér fannst ég eiga eitthvað óklárað. Guðrúnu fannst hún reyndar líta út eins og gamall karl á myndinni og svo er hún pínu appelsínugul. Það er allt í lagi. Skuggarnir eru eiginlega öfugir og ég nota heita og kalda liti kolvitlaust þarna. Hefði þurft að hugsa betur áður en ég byrjaði og þarf að lesa mig aðeins meira til.

Jæja þá er árið búið!!!! Reyndar kláraðist það 23. janúar en ég ruglaðist eitthvað í talningunni. Ég ætla því að láta þetta vera síðasta póstinn í þessari eins árs seríu. Ég veit ekki hvað tekur við en í aðra röndina langar mig að læra meira, ekki bara af sjálfum mér. Myndirnar sem ég enda á eru annarsvegar ég og Brynleifur í göngutúr og svo ég að giftast yndislegustu konu í heimi. Ég gerði svokallaðar contour teikningar þar sem ég lyfti aldrei blýantinum. Ég var ánægður með útkomuna en málningarvinnan er ekki alveg jafn góð, sérstaklega ekki gleraugun. Ég kenni pappírnum um það að hluta til (en ekki hvað).

Gerði eina stóra mynd með stórum pensli.

Fór upp í heiði í dag og sá þetta. Þetta var ekki svona, heldur alveg eins

Það endar ekki alltaf vel þegar maður veit ekki hvert maður er að fara í upphafi

Þetta Laugafellsæði fer nú að verða þreytt

Ég hélt ég gæti eitthvað bætt Laugafellsmyndina frá því í gær og gerði aðra tilraun. Ég held að hún sé bara verri. Ég reyni örugglega enn og aftur

Útihús við Laugafell. Þarna lék maður sér sem barn. Nú á þetta maður sem ekki sinnir þessu og allt grotnar niður.

Á veiðum í Småland

Krot dagsins

Grámóskulegt í dag. Endalaus bleyta og rok. Svei

Ég er búinn að mála 4 myndir síðustu 2 daga. Þær verða ekki birtar hér. Ekki strax allavega

Einhverjar fjallapælingar

2 póstkort. Húsið okkar og Västerås en gang til. Ein andlitsmynd líka

Enn ein tilraun. Öðruvísi pappír - sömu mistök

Flækti myndina frá í gær allt of mikið. Var lengi og ofmálaði margfalt. Eyðilagði hana svo meira eftir ég tók myndina. Well. Hin er skárri

Þessi verður máluð á morgun. Stór mynd frá Västerås . Grófur Waterford pappír og blýpenni

Skissa frá Västerås

Arlanda í gær. Það var erfitt að hemja sig að fara ekki með penna í flugvélamyndina til að styrkja hana en ég ákvað að leyfa henni að vera

Lítil skissa fyrir stærra málverk

Gleðilegt nýtt ár