Nefdrykkja
Eitthvað hef ég nú misskilið þennan valmöguleika að bæta við síðum hérna á bloggið. Þetta er eitthvað takmarkaðra en ég hélt í fyrstu. Jæja, ég skoða þetta við tækifæri.
Fórum á Akureyri í dag og allt lítur vel út með krílið, sem nú á að vera orðið 15 merkur, svona álíka stórt og ég. Það á samt ekki að gera neitt í þessum málum fyrr en 13 október. Ef ormurinn verður ekki kominn í heiminn þá verður farið í einhverjar særingar, geitur skornar og kveikt í hvítum lökum.
Er skapi næst að fara að skrifa um pólítik og samfélagsmál. Ég er hálf ringlaður í allri þessari geðveiki sem geysar í þjóðfélaginu í dag. Það eru allir svo hrikalega reiðir og geðveikir. Fólk er svo reitt að það greinir ekki einu sinni í sundur meginatriði, sér ekki heildarmyndina. Greinir ekki skuldavanda heimila frá ríkisfjármálum, bankamenn, frá útrásarvíkingum, alþingismenn frá embættismönnum. Þetta hrærist bara allt saman í hausnum á fólki og það öskrar af reiði. Fólk hlustar líka á púkana á fjósbitunum. Púkana sem hvísla því að fólki að það hefði verið hægt að fara í gegnum þessa kreppu án þess að finna fyrir því. Fá kaffi og smurt í rúmið. Æi kannski ætti maður bara að öskra, hvað veit ég.
Tók fína æfingu áðan. Hljóp 3,6 km áður en ég skellti mér í sund. Er að reyna að ná tökum á þessa blessaða skriðsundi en þyrfti eiginlega að hafa einvhern til að leiðbeina mér. Maður tussast samt í gegnum æfingarnar þó því fylgi á köflum nokkur klórvatnsdrykkja, bæði með munni og nefi. Synti 700 metra í dag.
Kveðja, Bjarni
Fórum á Akureyri í dag og allt lítur vel út með krílið, sem nú á að vera orðið 15 merkur, svona álíka stórt og ég. Það á samt ekki að gera neitt í þessum málum fyrr en 13 október. Ef ormurinn verður ekki kominn í heiminn þá verður farið í einhverjar særingar, geitur skornar og kveikt í hvítum lökum.
Er skapi næst að fara að skrifa um pólítik og samfélagsmál. Ég er hálf ringlaður í allri þessari geðveiki sem geysar í þjóðfélaginu í dag. Það eru allir svo hrikalega reiðir og geðveikir. Fólk er svo reitt að það greinir ekki einu sinni í sundur meginatriði, sér ekki heildarmyndina. Greinir ekki skuldavanda heimila frá ríkisfjármálum, bankamenn, frá útrásarvíkingum, alþingismenn frá embættismönnum. Þetta hrærist bara allt saman í hausnum á fólki og það öskrar af reiði. Fólk hlustar líka á púkana á fjósbitunum. Púkana sem hvísla því að fólki að það hefði verið hægt að fara í gegnum þessa kreppu án þess að finna fyrir því. Fá kaffi og smurt í rúmið. Æi kannski ætti maður bara að öskra, hvað veit ég.
Tók fína æfingu áðan. Hljóp 3,6 km áður en ég skellti mér í sund. Er að reyna að ná tökum á þessa blessaða skriðsundi en þyrfti eiginlega að hafa einvhern til að leiðbeina mér. Maður tussast samt í gegnum æfingarnar þó því fylgi á köflum nokkur klórvatnsdrykkja, bæði með munni og nefi. Synti 700 metra í dag.
Kveðja, Bjarni
Ummæli
Halldór