Við hestaheilsu í Lundi

Jæja þá er bara aðeins að láta vita af sér en ég er við hestaheilsu enda er ég svo vel fóðraður hjá Hafrúnu og pabba. Hér hefur maður legið á beit í allskyns góðmeti og nýlenduvörur eru ekki af skornum skammti né skornar við nögl. Ég held svei mér þá að ég sé farinn að stækka svolítið og á ennþá von um að á endanum geti ég teygt mig upp í hefðbundinn eldhússkáp til að ná mér í glös og diska.

Nú styttist heldur betur í veiðiferð og við pabbi leggjum af stað til Smálanda seinnipartinn á morgun. Það er komið í ljós að við verðum bara tveir á svæðinu og það er fínt. Náum sennilega ekki að setjast út annað kvöld þar sem við verðum seint á ferðinni. Ég ætlaði svo upprunalega að keyra beint frá Smálöndum í Ás en er að hugsa um að koma bara aftur til Lundar á sunnudagskvöldið. Við karlarnir förum því bara á einum bíl uppeftir og ég legg af stað til Norge á mánudagsmorgun kl. 07.00.