Tvær flugur í einu höggi.

Segment dagsins- frá Hlíðarbraut upp í Skíðahótel (blátt). Topp 10 listi ársins en ekki "All Time".

Vaknaði eldsnemma í morgun, fékk mér staðgóðan morgunverð og hlammaði mér svo hér í sófann til að setja smá á blað um verkefni dagsins. Eftir vinnu ætla ég að taka PB tilraun upp í fjall- með smá tvisti.

Upprunalega ætlaði ég að bæta tímann minn  Glerá - Skíðahótel um eina og hálfa mínútu í sumar og fara úr 17:00 niður í 15:30 og þar með fara á topp 20 lista yfir hröðustu tíma frá upphafi þar upp. 

Glerá - Skíðahótel, þarna sést að segmentið (blátt) byrjar mun seinna en hitt.

Málið er hinsvegar að flestir sem eru að horfa á bestu tímana  upp í fjall eru að horfa á lengra segment, þ.e. alveg frá Hlíðarbraut og upp. Ég ætla því að freista þess að gera eins vel og ég get alla leið upp á sama tíma og ég reyni að ná tímanum mínum Glerá - Skíðahótel niður um 1,5 mínútur í leiðinni. Ég hef ekki hugmynd um hvort eða hvernig þetta mun ganga.

Eins og ég set þetta upp þá ætla ég að taka 20 - 30 mínútna upphitun með smá brekkum til að koma mér í gang. Ég ætla að éta banana og gel áður en ég fer út og henda í mig öðru geli þegar ég legg af stað. Ég verð ekki með síma, engin aukaföt og engan vatnsbrúsa. Ég reyni að vera eins léttur og hægt er.

Planið er svona:

• Ekki byrja of skarpt
• Reyna að vinna frekar meiri tíma inn á seinnipartinum
• Í minni halla verð ég sitjandi og reyni að halda mig í kringum 250- 260 vött
• Í meiri halla stend ég upp og reyni að pumpa 300 vöttum

Ef þetta er minn dagur verð ég sáttur við að vera í kringum 19:00 mínútur en ég er að renna blint í sjóinn og hef í rauninni aldrei reynt að ná svona löngu segmenti.

Ég er líka að spá í að fela gluggann sem sýnir "lap time" svo ég missi ekki móðinn ef þetta fer að ganga illa. 

Gangi mér vel.