Dagur #25

Bestu börnin á Sigló.

Í dag var Íslandsmótið í götuhjólreiðum. Það var mjög erfitt fyrir Hörpu að vera ekki með og því ákváðum við að fara bara úr bænum og dreifa huganum. Við keyrðum á Sigló og fengum okkur fínan göngutúr í skítakulda. Svo fórum við í bakaríið áður en við brunum á Dalvík þar sem við kíktum í sund. Þetta var fínn dagur. Það er frí hjá mér á hjólinu í dag og það er sennilega æskilegt. Er búinn að vera með smá pirring í öxlinni.

Ég fór aðeins að rifja upp markmið sumarsins og gaman að fara yfir þau og sjá hvað er raunhæft að klára. Markmiðin voru svona:

  1. Taka þátt í fleiri mótum og hafa gaman
  2. Hjóla allavega 8000 km á árinu
  3. Taka þátt í 3 bikarmótum (aprí, mái og júní)
  4. Taka þátt í Íslandsmótinu 2022 (25. júní)
  5. Hjóla með Þolla Ak-Sörlastaðir-Suðurárb-Mývatnss
  6. Hjóla með börnunum DK til Svíþjóðar
  7. Hjóla 200 km í beit
  8. Skafa 3 míntútur af tímanum mínum upp í skíðahótel 
  9. Skafa 30 sekúndur af tímanum mínum upp skautasvellsbrekkuna
  10. Komast í 4 W/kg í FTP
Það er ekki ennþá útilokað að ég geti keppt eitthvað meira. Ég ætla að halda því inni að keppa í Orminum á Egilsstöðum 13. ágúst. Íslandsmótið var í dag og ég treysti mér varla til að vera með í bikarmóti 6. ágúst (júní-bikarmótið er náttúrulega úr sögunni).

Hvað önnur markmið varðar, þ.e. þau sem snúa að einhverjum bætingum, þá er mikið eftir af árinu. Ég hef hrunið niður í þyngd og ef formið hjá mér verður fljótt að koma þá get ég alveg komist nálægt þessum 3 síðustu. Markmiðið með skíðahótelið er kannski frekar langsótt. Ef ég næ því mun ég alveg örugglega ekki gera mikið annað þann daginn.

Kannski að ég endi þennan pistil á því að dásama bakaríið á Siglufirði. Þjónustan var góð, það var huggulegt þar inni og brauðmetið var alveg geggjað. Ég trúi því varla heldur hvað það ódýrt, allavega miðað við Bakaríið við brúna. Við keyptum 2 risa ostaslaufur, 2 kleinuhringi, geggjaða langloku með kjúklingabringu, grænmeti og beikoni, karmellusnúð, kaffi, 3 kókómjólk og fullan poka af ástarpungum með súkkulaði. Þetta kostaði 4600 kr.-, allir voru pakksaddir og við tókum slatta með okkur út. Ég sé eftir að hafa ekki tekið miðann til að skoða hvort þetta hafi verið rétt.

Annars eru ástarpungarnir með súkkulaðinu eitthvað sem allir verða að prófa, þeir eru geggjaðir. Ég gleymdi að kaupa mér kleinu, en þær eiga víst að vera einhverjar þær bestu á landinu.

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira