Markmið 2022 - yfirfarin

Í skautasvellsbrekkunni síðasta sumar.

Ég fór að grufla hér í gömlum póstum og reyna að grafa upp markmiðin sem ég setti mér í lok ágúst. Ég var nú eitthvað að halda aftur af mér því ég var með allavega eitt markmið sem ég lét ekki fljóta með og var eitthvað hræddur við að birta.

En allavega, þegar ég setti mér þessi markmið þá var það s.s. bara með hálfum hug og ætlaði alltaf að kíkja á þetta aftur. Í rauninni finnst mér ég samt svo mótíveraður að ég velti því fyrir mér hvort ég þurfi eitthvað að vera að setja mér markmið? En ég held samt að það sé ágætt að geta strikað eitthvað út og gott þegar maður þarf að mótívera sig fyrir næsta ár og setja eitthvað nýtt á listann.

En markmiðin sem ég setti mér voru eftirfarandi:

  • Taka þátt í fleiri mótum
  • Ormurinn
  • Gagnamótið
  • Brekkukóngur 
  • Hjóla 200 km í beit
  • Skafa 3 míntútur af tímanum mínum upp í skíðahótel 
  • Skafa 30 sekúndur af tímanum mínum upp skautasvellsbrekkuna

Og svo var það markmiðið sem ég setti ekki inn, en það var að fara upp í 4 W/kg í FTP. Ef ég man rétt þá var ég í 3,6 W/kg þegar ég setti markmiðið.

Í tengslum við verkefnastjórn í vinnunni hefur maður stundum rekist á það sem kallað er SMART goal setting og það þýðir í raun að markmið þurfa að vera:

Specific (skýr)

Measurable (mælanleg)

Action-oriented (aðgerðamiðuð)

Realistic (raunhæf)

Time (tímasett)

Eftir að hafa séð nýja mótaskrá ársins 2022 þá er ég búinn að þurfa að breyta aðeins markmiðunum mínum en þau eru samt í grunninn eins. Markmiðin mín fyrir 2022 eru:

  • Taka þátt í fleiri mótum og hafa gaman
  • Hjóla allavega 8000 km á árinu
  • Taka þátt í 3 bikarmótum (aprí, mái og júní)
  • Taka þátt í Íslandsmótinu 2022 (25. júní)
  • Hjóla með Þolla Ak-Sörlastaðir-Suðurárb-Mývatnss
  • Hjóla með börnunum DK til Svíþjóðar
  • Hjóla 200 km í beit
  • Skafa 3 míntútur af tímanum mínum upp í skíðahótel 
  • Skafa 30 sekúndur af tímanum mínum upp skautasvellsbrekkuna
  • Komast í 4 W/kg í FTP

Þar hafið þið það… og ég sé ekki betur en að þetta falli vel undir þetta SMART kjaftæði sem á að vera svo frábært.




Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira