Dagur í lífi einstæðs föðurs

Svona hefur dagurinn verið hjá mér:

06:58 - Kveikja á Rás 1 og vekja börnin
07:35 - Hjólum í bakarí að kaupa nesti fyrir Brynleif og svo í skóla
07:55 - Stimpla mig inn í vinnu
12:10 - Fer í ræktina (fæ far að þessu sinni)
13:10 - Vinnan aftur
16:00 - Hjóla á leikskólann að ná í Dagbjörtu
16:15 - Renni yfir húsið og geng frá þvotti (er að fara að sýna það)
17:00 - Show time!
17:30 - Hanga í tölvunni
18:00 - BRB kemur heim
18:00 - Fara í Nettó og borða kvöldmat á Heitur Matur. 
18:30 - Fara heim og láta BRB læra
19:00 - Fréttir og kaffi
20:00 - Börnin í háttinn
20:30 - Úlfatíminn minn hefst
22:00 - Hugleiðsla
22:15 - Les....zzzzzzzz

Ég á minn eigin úlfatíma (eða ég kalla hann það að minnsta kosti), og þó mér finnist gott þegar börnin eru sofnuð, þá veit ég yfirleitt ekki neitt hvað ég á af mér að gera í framhaldinu. Á meðan ég er ekki að mála endar það nú yfirleitt með einhverju smá glápi, hangsi í tölvu og svo fer ég bara að hugleiða, lesa og sofna frekar snemma, milli tíu og tólf.

En er þetta týpískur dagur í lífi mínu? Já svona að flestu leiti (þegar ég er með börnin). Undantekningin er sú að við borðum aldrei úti. Ég bara nenni ekki matarstússi í kvöld og veit líka að krökkunum á eftir að finnast þetta geðveikt. 

Í gær byrjaði DLB að æfa fótbolta og það á væntanlega eftir að flækja skipulagið aðeins. Æfingarnar eru á KA vellinum þennan mánuð, en í október færast þær yfir í Bogann. Þær byrja 16:15 og því ljóst að ef ég ætla með hana á þær æfingar þarf ég að fara fyrr úr vinnu. Svo þarf ég að hjóla með hana í hjólakerru, taka strætó eða leigubíl. En það er bara verkefni til að leysa.

En afhverju er ég að skrifa þetta allt upp? Ég veit það ekki, kannski bara til að minna mig á að lífið er að stærstum hluta dagleg rútína. Verður lífið nokkuð betra en þetta? Þarf maður alltaf að vera að bíða eftir einhverju öðru betra mómenti? Ég veit ekki með ykkur, en þessi dagur í dag er frábær dagur og ég reyni bara að njóta hans í botn. Ég er þakklátur fyrir að vera með góða vinnu og eiga heilbrigð börn sem þarf að ala upp og passa. Ég er þakklátur fyrir mína daglegu rútínu með öllu sínu veseni og stússi. Hvað ætti ég s.s. að vera að gera annað?


Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira