Hunter S. Thompson

Hunter S. Thompson

Hunter S. Thompson er sennilega frægastur fyrir að hafa samið bókina Fear and Loathing in Las Vegas og fyrir að vera upphafsmaður svokallaðrar Gonzo blaðamennsku; "þar sem per­sónu­leg upp­lif­un blaðamanns er í for­grunni og frá­sögn­in, sem er í fyrstu per­sónu, dreg­ur ríku­leg­an dám af þeim sem rit­ar, hugs­un­um hans og áliti, um leið og hann tek­ur þátt í kring­um­stæðunum." eins og segir í grein einni í Mogganum árið 2017.

Ég hef ekki kynnt mér verk Hunter's neitt að ráði, en hef þó séð um hann heimildarmynd og svo að sjálfsögðu horft á hina frábæru Fear and Loathing in Las Vegas, sem gerð er eftir fyrrnefndri skáldsögu. Þar fer Johnny Depp á kostum sem Hunter sjálfur og fjallar myndin um ferð sem hann fór til að skrifa um mótorhjólakeppnina Mint400. Með í för er vinur hans og lögfræðingurinn snargeggjaði Dr. Gonzo og eru þeir félagar algerlega stjórnlausir af dópneyslu alla myndina. Hunter var nefnilega dálítið mikill dópisti mest allt sitt líf.

Það er ákveðinn ævintýraljómi yfir Hunter S. Thompson vegna þessarar gengdarlausu áfengis- og dópneyslu sem hann var þekktur fyrir. En maður þarf svo sem ekki að kafa langt undir yfirborðið til að sjá að þetta hefur ekki komið til af góðu og sjálfsagt hefur honum oft liðið bölvanlega. Það fór líka svo að lokum að hann stimplaði sig sjálfur út, 67 ára gamall. Þar endanlega fór dýrðarljóminn af þessu.

En hvernig var þá dæmigerður dagur í lífi Hunter S. Thompson? Eftirfarandi lýsing er úr bókinni The Strange and Savage Life of Hunter S. Thompson:

15.00 - Vakna
15.05 - Chivas Regal með morgunblaðinu og Dunhill sígarettur
15.45 - Kókaín
15.50 - Annað glas af Chivas og Dunhill
16.05 - Fyrsti kaffibollinn og Dunhill
16.15 - Kókaín
16.16 - Djús og Dunhill
16.30 - Kókaín
16.54 - Kókaín
17.05 - Kókaín
17.11 - Kaffi Dunhill
17.30 - Meiri klaka í Chivas-ið
17.45 - Kókaín
18.00 - Gras til að róa þetta aðeins niður
19.05 - Borðað á Woody Creek Tavern:

Heineken bjór og tvær margarítur (drykkurinn), tveir ostborgarar, tveir skammtar af frönskum, hrásalat, diskur af tómötum, taco salad, tveir skammtar af djúpsteiktum laukhringjum, gulrótakaka, ís, bean fritter, Dunhill sígarettur, annar Heineken, meira kókaín og til að hafa leiðinni heim; ískrap með fjórföldum Chivas.

21.00 - Kókaín
22.00 - Sýra
23.00 - Chartreuse (áfengi), kókaín og gras
23.30 - Kókaín
00.00 - Hunter er tilbúinn að fara að vinna
00.05 - 06.00 - Chartreuse, kókaín, kaffi, Chivas, Heineken, negulsígarettur, grape ávöxtur, Dunhill, appelsínusafi, gin,
06.05 - Farið í heita pottinn og étið fettuccine alfredo pasta, ís og kampavín
08.00 - Halcoin róandi svefnlyf
08.05 - Sofa

Hljómar eins og fínn dagur, er það ekki?

Ummæli

Skrifa ummæli

Vinsælar færslur af þessu bloggi

Útivera

Mynd
Ég og Jens frændi slógum nokkra bolta saman í sumar. Vonandi náum við að spila hring næsta sumar.   Síðasti pistill fjallaði um umhverfismál og hvernig við getum öll breytt venjum okkar til að leggja eitthvað af mörkum. Ég ætla að halda áfram á svipuðum nótum en byrja samt á því að hoppa tæp tíu ár aftur í tímann. Þegar ég var í mastersnámi í íþróttafræði við HÍ gerði ég verkefni um stórmerkilega sænska rannsókn á lífslíkum fólks sem stundar golf. Ég ætla að byrja að vitna í frétt um þessa rannsókn og þið afsakið að ég nenni ekki að þýða þetta: Golf can be a good investment for the health, according to a new study from the Swedish medical university Karolinska Institutet. The death rate for golfers is 40 per cent lower than for other people of the same sex, age and socioeconomic status, which correspond to a 5 year increase in life expectancy. Golfers with a low handicap are the safest. Rösk ganga 5-7 km. í 4-5 klst. undir berum himni auk jákvæðra félagslegra- og sálrænna þátta sk...
Lesa meira

Negri í Þistilfirði

Mynd
Það er vorfílingur í mér í dag. Já djöfullinn sjálfur. Ég ætla ekkert að útskýra það neitt frekar eða vera með neinar lýsingar á smábátakörlum og sílamáfum. Svo er okkur boðið í grill í kvöld. Heldurðu það sé ekki splæs? Jens frændi sendi mér alveg hreint magnaðan póst í dag. Þetta er blaðaúrklippa frá 1977, s.s jafn gömul mér. Ég er ekki frá því að ýmislegt hafi breyst síðan þá. Smellið á myndina til að fá þetta í leshæft ástand. Ég nenni ekki að skrifa meira, Bjarni
Lesa meira

Bikarmót #1 - 2023 - Recap

Mynd
Öll vinnan í vetur að skila árangri! Jæja þá er fyrsta mót ársins búið og var það haldið í sveitinni minni laugardaginn 25.05.2024. Eins og sést á myndinni hér fyrir ofan þá gekk mér býsna vel og geng sáttur frá borði. Hefði ég tekið þessum úrslitum fyrirfram? Já! Hefði ég getað gert betur? Já.... en meira um það síðar. Laxárhringurinn með krefjandi kafla upp Hólasand (hæðakort fyrir neðan).   Brautin Brautin sem B-flokkur karla (og Elite konur) fóru byrjaði og endaði við Jarðböðin í Mývatnssveit. Við Reykjahlíð beygðum við suður fyrir vatn og héldum sem leið lá niður í Reykjadal. Rétt áður en við komum að Hafralæk í Aðaldal þá beygðum við inn á Hvammsveg og tókum stefnu á Presthvammana. Við fórum svo upp Presthvammana og upp Hólasand til baka í Jarðböðin. Brautin er 98 km og þó hækkunin sé ekki nema um 900 metrar skv. Strava, þá er hún tekin út seint, á frekar stuttum kafla og brekkurnar eru margar nokkuð brattar. B-flokkur kk og Elite-kvk að koma í gegnum Óhappið sunnan við Höfða...
Lesa meira