Góð ákvörðun

Æfing gærdagsins- stærsti hjartsláttartoppurinn er error.

Á mánudaginn hvíldi ég þar sem ég var eitthvað illa upp lagður. Ég var einfaldlega bara þreyttur. Þetta var góð ákvörðun því að í gær tók ég æfingu og gekk alveg super vel og ég er því viss um að þetta var rétt ákvörðun. Þetta var rúmlega klukkustunda Z2 endurance æfing. Á eftir tók ég armbeygjur, magaæfingar, teygjur og upphífingar.

Það sem ég hef verið að vinna í upp á síðkastið er að negla betur niður æfinga- og hjartslátta-sónin mín og reyna að eyða meiri tíma í efripartinum á Z2. Í fyrra var ég ekki mikið að spá í hvort ég var í Z1 eða Z2 og var yfirleitt ekkert að spá of mikið í hjartslættinum.

Núna er ég farinn að fylgjast vel með hjartslættinum og lækka þá vöttin þegar ég er farinn að leka yfir í tempo (Z3). Æfingin í gær byrjaði í 165W en ég hækkaði svo í rólegheitunum upp þar til hjartslátturinn fór að leka yfir 130 bpm. Síðan var þetta smá balance en ég endaði með meðalpúls upp á 125 og leið mjög vel allan tímann.

Í dag er ég að spá í að henda inn einni klukkustunda tempo æfingu (2x15m 76-87% ftp) og fylgjast vel með hvernig ég bregst við því og hvort púlsinn haldist í tempo eða fari yfir það.

Ég er búinn að vera að halda matardagbók síðustu daga og það er mjög fróðlegt. Ætla að klára vikuna og birta hana svo hérna á blogginu. Hef verið að borða mjög "rétt" en held jafnvel að ég sé að éta of lítið af hitaeiningum miðað við æfingamagn.