Sunnudags

Drekkutími hjá Dagbjörtu Lóu um helgina.

 Nú er sunnudagur og fínni helgi að ljúka. Samvera með börnunum, lokahóf hjá hjólreiðafélaginu og sæmilegur slatti af frískandi æfingum og útiveru. Ég fór í ræktina í gærmorgun og þar var stöðvaþrek í boði sem vara drullu krefjandi og fínt. Áðan skellti ég mér svo út að hlaupa og fór 10 km á frekar rólegu pace-i. Lappirnar voru eitthvað frekar blúsaðar en góðu fréttirnar að hnéin eru ekki að kvarta neitt. En ég er helvíti þreyttur núna og þegar ég labbaði í búðina fann ég vel að það er kominn tími á hvíld.

Æfingavikan úr Training Peaks- grænar æfingar eru þær sem ég setti inn fyrirfram og kláraði. Hinar voru ekki planaðar. Er reyndar ekki búinn að setja inn allar samgönguhjólreiðarnar.

Miðað við að það sé off season hjá mér þá er ég sennilega að keyra óþarflega hart á þetta. Stundum missir maður yfirsýnina, sérstaklega þegar manni líður bara vel. Ég er búinn að taka 17 æfingar á þremur vikum og Vetrarhlaupið hefur líklega tekið aðeins úr mér. 

Næsta æfingavika.

Í gær planaði ég næstu æfingaviku en eftir hlaupið áðan breytti ég henni aðeins. Eftir ræktina á morgun held ég að ég hafi gott af því að slaka á í tvo daga. Ég færi því eina hjólaæfingu frá þriðjudegi yfir á miðvikudag, en þá ætla ég að vakna snemma og hlaupa en seinnipartinn tek ég svo róleg endurance æfing í stofunni. Maður er að læra betur og betur með tímanum að hlusta á líkamann og það er rosalega mikilvægt að finna hvenær komið er gott.

Framgangurinn í hlaupunum hjá mér síðustu 5 vikur.

Á myndinni fyrir ofan má sjá hvernig ég hef verið að vinna mig upp í hlaupunum síðustu vikur. Tuttugu kílómetrar á viku er ekki mikið en ég held að ég muni samt ekki bæta mikið við það. Það yrði bara of mikið álag þegar lyftingar og hjól bætast ofan á. Ég held inni einu tempo/interval- og/eða brekkusprettum og vonandi getur maður lengt langa sunnudagshlaupið eitthvað í hvert skipti. Í dag var ég hinsvegar ekki í ástandi til þess.