Hjól
Jæja nú hef ég ekki farið út að hlaupa í næstum viku og er að fríka út. Held ég skreppi aðeins í kvöld og skokki smá hring í rólegheitum. Annars ganga sundæfingar bara vel og þetta prógram sem ég er að fara eftir lofar góðu. En ég á samt langt í land með að geta synt 1500 metra skrið í einum rikk- sem er sú vegalengd sem maður þarf að fara í ólympískri þríþraut. Alltaf gott að geta haft eitthvað til að stefna að. Maður er búinn að lufsast í laugina 4 sinnum í þessari viku og svo skellir maður sér aftur á morgun.
Ég er búinn að ákveða að þegar ég fæ mér hjól ætla ég að fá mér svokallað cyclocross hjól. Þetta eru í rauninni hjól sem sameina að einhverju leiti kosti hefðbundinna keppnishjóla/racers og fjallahjóla. Hægt er að setja breiðari dekk, hjóla í möl og drullu og setja nagladekk. Svo getur maður sett á þetta önnur handföng (til að fá meira framliggjandi stöðu) og dekk fyrir meiri hraða. Þannig er maður kominn með ágætis græju til að æfa fyrir styttri þríþrautir. Hjólið á myndinni er Cannondale SUPER X 2 SRAM RED.
Þar sem þessi hjól eru yfirleitt ekki til á lager sendi ég póst á tvær stærstu reiðhjólaverlsanir á landinu og spurðist aðeins fyrir og bað um tilboð. Það mætti halda að þeir hefðu séð á ritstílnum að ég væri bláfátækur og því ekki nennt að svara. Það eina sem ég veit er að þetta er dýrt. Í kvöld verður poppað og sest fyrir framan lottóið. Minn tími mun koma.
Kveðja, Bjarni
Ég er búinn að ákveða að þegar ég fæ mér hjól ætla ég að fá mér svokallað cyclocross hjól. Þetta eru í rauninni hjól sem sameina að einhverju leiti kosti hefðbundinna keppnishjóla/racers og fjallahjóla. Hægt er að setja breiðari dekk, hjóla í möl og drullu og setja nagladekk. Svo getur maður sett á þetta önnur handföng (til að fá meira framliggjandi stöðu) og dekk fyrir meiri hraða. Þannig er maður kominn með ágætis græju til að æfa fyrir styttri þríþrautir. Hjólið á myndinni er Cannondale SUPER X 2 SRAM RED.
Þar sem þessi hjól eru yfirleitt ekki til á lager sendi ég póst á tvær stærstu reiðhjólaverlsanir á landinu og spurðist aðeins fyrir og bað um tilboð. Það mætti halda að þeir hefðu séð á ritstílnum að ég væri bláfátækur og því ekki nennt að svara. Það eina sem ég veit er að þetta er dýrt. Í kvöld verður poppað og sest fyrir framan lottóið. Minn tími mun koma.
Kveðja, Bjarni
Ummæli