Handboltarokk, grill og bjór

Notaði tækifærið að fá ókeypis fóður og fór í einhverja risagrillveislu þar sem staffið grillaði ofan í nemana. Rektorinn skammtaði mér kjúkling af tunnugrilli. Í Noregi, hér eru allir jafnir. Síðan leystist þetta upp í allsherjar háskólapartí eins og maður sér í amerískum vellum með dynjandi handboltarokki, strandblaki og drykkjuleikjum. Fólk er hér á hverjum svölum sem fuglar í björgum en haga sér þó öðruvísi en íslenskir fuglar. Svona það sem ég hef séð alla vega og mér finnst eiginlega til skammar að hafa ekki séð neinn sem er t.d ófær um gang. Þó hef ég hitt fólk í skikkjum með pípuhatta, í röndóttum jakkafötum með kúluhatta og strák í kjólfötum með sólgleraugu og stökkönd á hausnum sem mér finnst til eftirbreytni. Óekkí, það er ungt og það leikur sér og ég svo gamall. Ætla að fara að koma mér í bælið og láta mig dreyma nakta konu á hreindýri eða eitthvað svipað.