Blessuð heilsan

Fann skemmtilega lesningu um líkamsrækt og einhverjar hugleiðingar um hvað beri að éta ef maður vill ná árangri. Þetta er skrifað af Dr. Paul Rogers sem er sérfræðingur á þessu sviði. Þar sem ég veit að allir sem kíkja hingað inn eru helsjúkir líkamsræktamógúlar, þá ákvað ég að þýða nokkra góða punkta:

Mikið er til af misvísandi upplýsingum um rétta næringu fyrir þá sem stunda líkamsrækt. Það er engin tilgangur í að vera diplómatískur: mikið af því sem þú lest inn á ýmsum líkamsræktarsíðum, um lyftingar, hversu mikið prótein þú átt að éta, hvaða fæðubótarefni þú átt að taka og hvernig þú átt að éta og afhverju, er bara tóm þvæla. Næringarfræði fyrir lyftingar og vaxtarækt eru bara vísindi, eins og allt annað tengt líkamsrækt. Þetta er bara líffræði, lífefnafræði og lífeðlisfræði sem hefur ákveðnar reglur og undirstöður sem eru byggðar á vísandalegum rökum.

Það er áhyggjuefni að það að selja fæðubótarefni, sem flest virka ekki neitt, hefur orðið að svo stórum atvinnuvegi að það er nánast ógjörningur að átta sig á því hvað virkar og hvernig beri að haga sér við val á næringu.


Eftir þetta heldur hann áfram og fer í nokkrum atriðum í það hvað á að éta og hversu mikið. Meira að því síðar. Gríp niður í kafla sem hann kallar: Muscle Building, Bodybuilding Diet:

Til að byggja upp vöðvamassa þarftu að éta ríflega það sem þú ert vanur að éta og lyfta lóðum reglulega. Hversu mikið af vöðvum þú bætir á þig og hversu hratt fer svo m.a eftir aldri og erfðarfræðilegum eiginleikum. En allir ættu að geta bætt einhverju kjöti á beinin burtséð frá aldri ef þeir stunda lyftingar. Rétt næring er lykilatriði í því sambandi.

Að éta ríflega það sem þú ert vanur er samt ekki gott fyrir þá sem eru þéttir á velli, svo tálgaðu af þér fyrst. Þegar þú ert að éta ríflega til að bæta á þig vöðvum, þá muntu líka bæta á þig fitu. Segjum að þú sért mjór náungi um 180cm og 70 kg., þá ættirðu að auka caloríuinntöku um ca. 15% á dag.

Áfram heldur hann að gefa ráð sem eru svo sem nokkuð augljós t.d að lyfta lóðum. Skera niður fitu og sykur og éta vel af próteini. Fyrir þá sem hafa áhuga er þetta tengillinn inn á greinarnar hans:

http://weighttraining.about.com/od/nutritionforweights/Muscle_Up_Fat_Down_Nutrition_for_Weight_Training.htm

Að lokum ætla ég að birta niðurstöðukaflann úr þessum mikla bálki:

Ekki hafa áhyggjur af því að vera að telja allt ofan í þig ef þú nennir því ekki. Að gera þetta nákvæmlega er ágætt fyrir þá sem nenna og kunna að reikna þetta út af nákvæmni, aðrir sleppa því bara. Reynslan og að læra að þekkja inn á sinn líkama er það mikilvægasta. Hafið þessa punkta í huga:

1.Étið eitthvað prótein og kolvetni ca. 30 mínútum fyrir æfingu.
2.Fyrir æfingar sem taka meira en 60 mínútur, eru erfiðar og innihalda þrekæfingar, drekkið íþróttadrykk (kolvetni) á æfingunni.
3.Étið prótein og kolvetni strax eða ekki síðar en 30 mínútum eftir æfingu.
4.Ekki nota próteindrykki/fæðubótarefni í miklu magni. Þið getið fengið rétt magn af próteini úr kjúklingi, fiski, soya, undanrennu og rauðu kjöti.
5.Sumir ná meiri árangri með því að éta 6 máltíðir á dag frekar en 3 stærri. Ekki vera óróleg út af þessu, þetta á ekki við um alla. Munið samt að borða ALLTAF morgunmat.
6.Borðið hollan mat sem inniheldur lítið af mettaðri fitu og cholesteróli og mikið af ávöxtum, hnetum, baunum og korni og fræjum. Þannig fæst gnótt af hollum ein- og fjölómettuðum fitusýrum.
7.Drekkið mikið af vökva til að vinna upp á móti vökvatapi. Drykkir eins og kaffi og te er meðtalið (TAKIÐ EFTIR ÞESSU, JIBBÍ). Þvagræsandi áhrif þessara drykkja hafa verið ofmetin.

Mér finnst reyndar að það þurfi að taka það fram að í lokin segist hann ekki hafa neitt á móti próteindrykkjum en margir noti þá í óhófi og hafi ekki hugmynd um hvað þeir séu að láta ofaní sig. Og svo elska ég þennan mann fyrir að tala svona fallega um kaffi. Ég vil ítreka það að nánari útlistingar á heppilegu magni og vali á fóðri er undir þessum link sem ég setti inn.

Hafið það frábært, Bjarni