Góðir hálsar

Nú er helgin liðin og mánudagsskíturinn kominn í brókina. Reyndar er ég í fríi í dag en svo gæti farið að ég þurfi að leggja af stað í vinnuferð í kvöld. Stefnan er tekin á Stykkishólm og ætlum við að merkja grásleppur þar í 3 daga. Ef þetta gengur eftir, þá tekur maður ábyggilega 3 daga helgi næst líka, fær sér frí á föstudag.

Helgin núna var með ágætum alveg ágæt. Emma vinkona Guðrúnar kom í heimsókn með son sinn Blæng og svo eru strákarnir hjá okkur núna. Það var því engin ládeyða hér á bæ. Fórum t.d á Reykjaströndina og það tók strákana ekki nema 4,4 mínútur að bleyta sig upp að hálsi í sjónum. Svo var það bara þetta venjulega, grillaðir borgarar, sund og ís. Að sjálfsögðu laumaði ég mér svo á völlinn þegar minnst varði.

Jæja en framtíðin er björt. Er að fara með strákana upp á völl í golfskóla, reyni að grípa í kylfu í leiðinni. Svo á ég marineraða grísalund í ískápnum. Fékk uppskrift frá Stebba en fann lítið í hana og flippaði því bara sjálfur. 3 mtsk olía, 1 rauður chilly (ferskur og fræhreinsaður) 2 stór hvítlauksrif, smá engifer bútur, maldonsalt og ferskt estragon úr glugganum. Sett í klessuplast í slatta tíma og svo skellt á logandi djöfull heitt grill. Læt vita hvernig bragðast.

Góðar stundir, Bjarni